لوبوان تي آن:
أعرب النائب بمجلس نواب الشعب، ياسين العياري، في تدوينة له مساء اليوم الأحد 11 أكتوبر 2020 استنكاره الشديد الاتهامات التي وجهها له وزير الدولة لدى رئيس الحكومة المكلّف بالوظيفة العمومية والحوكمة ومكافحة الفساد السابق، محمد، عبو اليوم لدى حضوره ضيفا في برنامج ”وحش الشاشة” على قناة التاسعة حيث اتهم محمد عبو ياسين العياري بمغالطة التونسيين من خلال ملفات الفساد التي قام بطرحها والتي شوهت عديد السياسيين لخدمة أطراف سياسية معينة ورد ياسين العياري على هذه الاتهامات بعبارات فيها نوع من الاستهزاء حيث قال متوجها لمحمد عبو :أتفهم وجعك و حيرتك و سكرات موتك السياسي و خروجك من الباب الصغير من شاب جاهل و فخور بجهله و يقعد لآخر عمره جاهل و يسعى إنه يتطور و يتعلم كل يوم”.
وأشار لعياري في نفس التدوينة أن كل ملفات الفساد التي قام بطرحها كانت مدعومة بالوثائق وبالمؤيدات القانونية اللازمة كما شدد انه سيواصل تتبع عبو لتستره على قضية الفساد المتعلقة بالكمامات ووزرائه الفاسدين وممول حزب التيار الديمقراطي المخالف للقانون وذلك جزاء لخدمة التونسيين وفيما يلي بعض ما ورد بنص التدوينة :
“ياااه، أ هذا إذا سي وزير الدولة محمد عبو
أ كان الجرح غائرا إلى هذا الحد…….
سي محمد! كي تنحات الأدلة و الإثباتات للمؤامرة العالمية الي في خيالك؟ إش قعدلك سي محمد؟ قلة الحياء!
تعرف سي محمد عبو، طوال الأزمة، عاملتك بإحترام و حفظت المقامات، و فصلت الذاتي عن الموضوعي إحتراما لعمرك و لتاريخك، آسف كنت مخطآ، كنت نرى فيك بعين كبيرة.
سأواصل الخطأ، و بش نترفع على النزول لمستواك الضحل، الكلام الي قلتو عليا اليوم، السبان و قلة الحياء و الأكاذيب (كيما كل مرة، أنت تتكلم بالأوهام و الطلاسم و أنا أقدم ديما الحجة و الوثيقة و الدليل) يدخل تحت طائلة القانون، فيه الثلب و فيه الهضم، لكن موش بش نشكي بيك في هذه، مسامح في شخصي و متصدق بعرضي على مجاريح السياسة و أتفهم وجعك و حيرتك و سكرات موتك السياسي و خروجك من الباب الصغير من شاب جاهل و فخور بجهله و يقعد لآخر عمره جاهل و يسعى إنه يتطور و يتعلم كل يوم.
لكن سألاحقك في حق التوانسة وفي تسترك على فساد الكمامات و أنت تعلم أني أفعل ما أقول، إنت و وزرة البلاستيك و ممول حزبك المخالف للقانون، خاطر هذيكا خدمتي الي نخلص عليها من فلوس التوانسة.
عجبتني برشة المعلومات الي جاتك عليا في وزارة الوظيفة العمومية جاتك بالتأكيد ؟ توة فهمت علاش تحب على الداخلية سي محمد، سي محمد شد جمعة وزير تجسس على معارضيه و خرق معطياتهم الشخصية و شكى بيهم هضم جانب موظف و عمللهم دوسيات باش يكشفها كإنتقام ، علاش كنت تعارض في بن علي بربي؟
على كل، موش بش نزيد على ما بيك سي وزير الدولة محمد عبو المحترم، في السياسة أيضا إكرام الميت دفنه، فقط أقدم الأدلة باش التوانسة الي حبيت تغلطهم يثبتوا وحدهم من الكاذب و من يخدم على روحه بجدية و شفافية و وضوح.
تحب تسخف الناس أنت حر سي وزير الدولة محمد عبو، لكن معادش تكذب على أمل و عمل، تطلع خاسر ديما خاطر في أمل و عمل، خدمتنا منظمة و كل شيء، على عكسك ديما بالحجة و الدليل.
بالتوفيق سي محمد في ما تبقى من مسيرتك و هبط راسك و إنت خارج، فالباب أمامك كما ترى صغير ….
هاجر وأسماء
